चिराग फिल्म्स्पाखें ने.सं. ११३७ दँय् निर्माण जूगु थुगु संकिपाया निर्माता पुजा श्रेष्ठ खःसा बाखं व निर्देशक सुरेन्द्र तुलाधर खः । थुकिया संगीतकार मनराज नकःमि अले छायाँकार मदन महर्जन व पुरुषोत्तम प्रधान खः । कलाकारकथं राजेश महर्जन, हरिश तण्डुकार, मञ्जु श्रेष्ठ, संजय शर्मा राजोपाध्याय, सुरेन्द्रतुलाधर, सबिना गोपाली व इन्जा नेवाःपिं दुथ्याः । थन छम्ह हे अबुया निम्ह कलाःपाखें दुपिं निम्ह मस्तय्सं थः अबुया अंशय् याइगु दाबी क्यनातःगु दु ।
ने.सं. ११३१ दँय् निर्माण जूगु संकिपाया निर्माता सुरेश बज्राचार्य, यादव पुडासैनी, मित्लेश श्रेष्ठ खःसा निर्देशक सुरेश बज्राचार्य खः । संकिपाय् सुरेन्द्र नकःमिया बाखं दुसा संगीतकार विष्णु सक्व खः । संकिपाया छायाँकार गुणराज शाक्य अले थुकी कलाकारकथं रेश्मी महर्जन, मिथ्लेश श्रेष्ठ, स्वतन्त्र संसार महर्जन, अनुर मानन्धर, आशाकाजी थकु, मन्जु श्रेष्ठ, सुरेन्द्र मानन्धर, श्यामसुन्दर शिल्पकार, अर्णेश्वरी शिल्पकार, उदेन न्हूसाय्मिपिं दुथ्याः । पुनर्जन्मया बाखं दुगु थुगु संकिपाय् न्हापाया जन्मया मतिना लिपाया जन्मय् वनाः तिनि पूवनी धकाः क्यनातःगु दु ।
एम्स मुभिज्पाखें ने.सं. ११२५ स निर्माण जूगु थुगु संकिपाया निर्माता परमेश्वर नारायण जोशी व विनेभानन्द वैद्य खःसा निर्देशक स्वतन्त्र संसार महर्जन खः । थुकी राजु महर्जन जुजुया बाखं दुसा कलाकारकथं राजु महर्जन जुजु, आशिष्मा नकःमि, रजना महर्जन व स्वतन्त्र संसार महर्जनपिं दुथ्याः । थुकिया संगीतकार आनन्द बज्राचार्य अले छायाँकार प्रदीप सिंह थापा खः । थुकी कल्पनाय् जक लूगु जीवन सत्य जुइ मखु धैगु सन्देश बियातःगु दु ।
सुकुन्दा फिल्म्स्पाखें ने.सं. ११३७ दँय् निर्माण जूगु थुगु संकिपाया निर्माता मिन्जु शाही, बाखं व निर्देशक बासु शाही खः । थुकिया संगीतकार गोविन्द ह्यूमत अले छायाँकार मनोजरत्न शाही खः । कलाकारकथं सुरेन्द्र मानन्धर, रजनी खड्गी, मन्जु श्रेष्ठ, बासु शाही, अशोक श्रेष्ठपिं दुथ्याः । थन मनूया निंतिं ध्यबासिबें इमान हे महान जुइ धकाः क्यनातःगु दु ।
गुण सिनेमा प्रा.लि.पाखें ने.सं. ११४० दँय्् निर्माण जूगु संकिपा कर्माया निर्माता विजेन शाक्य अले निर्देशक रामकृष्ण खड्गी खः । थुकिया संगीतकार राजु तुलाधर, बालकृष्ण बंशी व रामकृष्ण खड्गी खःसा छायाँकार लूजः सिंह खः । थुकी कलाकारकथं मदनकृष्ण श्रेष्ठ, नारायणदेवी प्रधान, आशिष्मा नकःमि, अनिता ताम्राकारपिं दुथ्याः । थ्व बौद्ध जातक बाखंनाप स्वापू दुगु संकिपा खः ।
सुकुन्दा फिल्म प्रोडक्शनपाखें ने.सं. ११२४ स निर्माण जूगु थुगु संकिपाया निर्माता साजन श्रेष्ठ खः । संकिपाया बाखं व निर्देशक बासु शाही खःसा छायाँकार नरेश शाही खः । थुकी कलाकारकथं नरेश सिं, रुपेन श्रेष्ठ, जरिना खडगी, रजनी खडगी, अन्नपुर्णेश्वरी श्रेष्ठ, बासु शाही, ज्ञानेन्द्र शाहीपिं दुथ्याः । संकिपाय् थः कलातं धाः थें जक याइम्ह मिजंया बाखं न्ह्यब्वया तःगु दु ।
ने.सं.११२८ दँय् निर्माण जूगु थुगु संकिपाया निर्माता प्रेम लामिछाने व जगत श्रेष्ठ खःसा बाखं व निर्देशक रवि डंगोल खः । थुकिया छायाँकार प्रकाश श्रेष्ठ खःसा, कलाकारकथं जगत श्रेष्ठ, लक्ष्मी गिरी, रवि डंगोल व दिपा शाक्य दुथ्याः । थुकी छम्ह कुलांगार मनूया पाखें परिवार व समाजयात लाइगु लिच्वः क्यनातःगु दु ।
गुण सिनेमा प्रा.लि.पाखें ने.सं. ११३७ दँय्् निर्माण जूगु जातक बाखनय् आधारित संकिपाय कृषागौतमीया निर्माता विजेन शाक्य अले निर्देशक रामकृष्ण खड्गी खः । थुकिया संगीतकार बालकृष्ण बंशी व रामकृष्ण खड्गी खःसा छायाँकार रवि साय्मि खः । थुकी कलाकारकथं कर्मा, मेलिना मानन्धर, शिव श्रेष्ठ, नगिना जोशी, सुरज ब्यञ्जनकारपिं दुथ्याः । थ्व बौद्ध जातक बाखंनाप स्वापू दुगु संकिपा खः ।
कल्प फिल्म प्रोडक्शनपाखें ने.सं. ११३९ दँय् निर्माण जूगु थुगु संकिपाया निर्माता मिन्जु शाही खःसा बाखं व निर्देशक बासु शाही खः । थुकी कलाकारकथं बासु शाही, सुरेन्द्र मानन्धर, रेवन्त लाल श्रेष्ठ, रजनी खड्गी, हरि धेमोस, कर्णमान शाक्य, राजन राचलपिं दुथ्याः । संकिपाय् मतिनाया निंतिं मनूत वँय् जुइत नं तयार जुइयः धकाः क्यनातःगु दु ।
तण्डुकार फिल्म्स्पाखें ने.सं. ११३३ दँय् निर्माण जूगु थुगु संकिपाया निर्माता शुभ तण्डुकार अले बाखं व निर्देशक सनम कुमार खः । थुकी निरञ्जन महर्जनया संगीत दुसा छायाँकार देवआनन्द शिल्पकार खः । कलाकारकथं लक्ष्मी कुमार महर्जन, श्यामसुन्दर शिल्पकार, अर्णेश्वरी शिल्पकार, कृष्णभक्त महर्जन, शोभा महर्जन, मणि महर्जनपिं दुथ्याः । थ्व थ्रिलर सस्पेन्स सहितया कमेडी फिल्म खः ।