पुजा क्वचायेकाः प्रसाद बाय् भ्वय् नयाच्वनीबलय् थाइगु धिमय्या विशेष बोलयात मंगल पो धाइ ।
Author: Pratik Sthapit
-
न्ह्याः
लँय् वनीबलय्, पाः गइबलय् तःक्वः लिसा कयाः थाये जीगु धिमय् बोलयात न्ह्याः धाइ ।
-
द्यः ल्हायेगु
धिमय् थायेत दकलय् न्हापा, द्यःया न्ह्यःने बाय् धिमय् थाये क्वचायेकेत थाइगु विशेष बोलयात द्यः ल्हायेगु बोल धाइ । तःहाकःगु, चीहाकःगु व सिधयेकेगु यानाः स्वताजि द्यः ल्हायेगु बोल दइ ।
-
तँपो
पाखा थहां वनीबलय् थाइगु धिमय् बोलयात तँ पो धाइ ।
-
छिना
लँय् वनीबलय् गुबलें गुबलें थाइगु जोश वइगु धिमय् बोल छिना खः । थ्व बोल निक्वःतक जक थायेज्यू ।
-
च्वः/छुवां
द्यः ल्हाये धुनेवं न्ह्याः, गुँ थायेन्ह्यः थाइगु धिमय्या बोल च्वः/छुवां खः ।
-
गुँ
माथंवंगु लँय् प्याखंपाः कयाः तिं तिं न्हुयाः तःक्वः लिसा कयाः थायेज्यूगु धिमय् बोलयात गुँ धाइ ।
-
धिमय् बोल (ख्वप विशेष)
धिमय् थायेगु तःताजि बोल दु । गथेकि द्यः ल्हायेगु, लँपो, तँपो, धुँन्यापो, मंगलपो, साँया पो, माँ तनेगु आदि । थुपिं गुलिं बोलत विशेष थासय् व इलय् जक थाये ज्यूसा गुलिं न्ह्याबलें नं थाये ज्यू । गथेकि धुँन्या हीकेत थाइगु धुँन्या पो, लँय् वनीबलय् थाइगु लँ पो, सायाःबलय् थाइगु साँयाःपो, धिमय् च्वः, परताल (प्रताल), पलेमां आदि थीथी तालय् थाइगु खः ।
ख्वपय् धिमय् बोलयात द्यः ल्हायेगु, च्वः/छुवां, न्ह्याः, गुँ, माः आदि थीथी ब्वथलातःगु दु । -
संकि
च्वाम्वःसाया सँ । चिहाकयेक चानाः पुइँचा लाक चिनातइ । ताःहाकः चिहाकः जुइ । छेँक च्वंकातइ । धुँन्याया च्वकाय् क्वातुक चिनाः धुँन्या हीकीम्हंं खने दयेकातइ ।
-
रुमाल
कुछि कुत्याया चारपाते यानाः सि मुलाः सुयातःगु कापः । थयायंके माःगु गुथि भ्वय् नयेबलय् रुमाल चकंकाः उकी द्यःने लप्ते लानाः भ्वय् तयेगु याइ ।