घाः साहित्यया मूलुखापाखें ने.सं. ११२१ य् पिदंगु भाजु तुयु पुंनं च्वयादीगु गजलया संग्रह खः । मुक्कं स्वीनिपु गजल दुथ्यानाच्वंगु थ्व संग्रह दुने मतिनाया बाखं, छेँजःपिनिगु बाखं, अन्यायया बाख आदि थीथी घाःया बाखं दु, स्याःचाः दु ।
Category: भाषा, लिपि व साहित्य
-
घालं बुइकूगु लँय् जि, जिगु पलाः
डा. आनन्द जोशीया च्वसां पिज्वःगु घालं बुइकूगु लँय् जि, जिगु पलाः हाइकु सफू ने.सं. ११३६ चौलाथ्व १० शनिवाः कुन्हु रुवरिक व कुतः पिकाकःपाखें मंकाः कथं पिथंगु खः । थुकी निथिया हाइकु दुथ्यानाच्वंगु दु । छथि विविध विषय नाप स्वापू दुगु न्हय्प्यपु हाइकु दुसा मेगु नाकाबन्दी विषयया नीछपु हाइकु यानाः गुइन्यापु हाइकु दुथ्यानाच्वंगु दु । हाइकु दुने थः म्वाना च्वनागु लागाय् छुं नं कथंया विनास, प्रलय उपस्थित जुइवं अनं मनूतय्गु जीवनय् स्याःचाः, घाःपाः, पीडा ब्वलनी, न्हापांगु ब्वय् न्ह्यथनातःगु खःसा लिपांगु ब्वय् देय् नाकाबन्दीया घेराय् लायेवं देय्या अवस्था अले मनूतय्सं भोगे यायेमाःगु अवस्था न्ह्यब्वयातःगु दु ।