साहित्यकार चुडानन्द वैद्यया जन्म ने.सं. १०२७ (वि.सं. १९६३)य् जूगु खः । विए. तक ब्वनादीम्ह भाजु वैद्यं नेपालभाषाया साहित्य ख्यलय् कविता, निबन्ध, बाखं विधाय् थःगु च्वसा न्ह्याकादीगु दु । वय्कः कवि वैकुण्ठप्रसाद लाकौलया छेँय् संचालन जूगु थुुलिंचा पुचःया छम्ह दुजः नं खः । वय्कःया न्हापांगु चिनाखँ कृपया ने.सं. १०७३ य् थुलिंचा पतिइ पिदंगु खः । ब्वंकेज्या यानादीम्ह वय्कः नेपालभाषा परिषद्या संस्थापक दुजः नं खः । उगु इलय्या व्यवस्था विरोधी च्वसु च्वयादीम्ह भाजु वैद्यं च्वयादीगु तःपुु निबन्ध व बाखं ने.सं. १०६१ इ जूगु राजनैतिक पर्वया इलय् छ्वयेकाबिउगु खः । मांभाय् नेपालभाषा थकायेगुली आपालं ल्हाः दुम्ह भाजु वैद्य ने.सं. ११०५ दिल्लाथ्व २ कुन्हु दिवंगत जूगु खः ।
Category: भाषा, लिपि व साहित्य
-
चुलि
चुलि रामनारायण प्रजापतिं च्वयादीगु बस्तुपरक च्वखँ मुना खः । मराजीकेपाखें ने.सं १११२/बु.सं. २५३६ य् पिदंगु थ्व सफुलिइ तुफि, चुलि, ख्वाःपा, मारतोल व थां याना न्यापु निबन्ध दुथ्याःगु दु ।
-
चुलि जाःगु बु
सौरभ शाक्यया चुलि जाःगु बु सफू ने.सं. ११२८ न्हूदँया लसताय् कुतः पिकाकःया लुखां पिदंगु खः । थुकी सछिपु हाइकु दुथ्यानाच्वंगु दु । हाइकु दुने थां झीपिं अन्या–अत्याचार शोषण विकृति विसंगतिया दथुइ म्वाना च्वनेमाःगु अवस्था न्ह्यब्वयातःगु दु ।