उर्मिला डंगोलया च्वसां पिज्वःगु च्वापु हाइकु सफू ने.सं. ११४२ य् कुतः पिकाकः ख्वपपाखें पिदंगु खः । थुकी मुक्कं सच्छि व नीपु हाइकु दुथ्यानाच्वंगु दु । हाइकु दुने थःम्ह अनुभव यानाच्वंगु व थःम्हं खनाच्वंगु प्रकृतिया थीथी रूप व जीवनया थथ्याः–क्वथ्याःया दृश्यत न्ह्यब्वयातःगु दु । लिसें संस्कृति व सम्पदाया बारे, अले जिन्दगी खिउँसे च्वनाच्वंगु इलय् नं आशाया जः ह्वलाः म्वायेत स्वयाच्वंगु दु । हाइजिन उर्मिलां च्वापु विम्व छ्यलाः जीवनदर्शन न्ह्यब्वयेत स्वयाच्वंगु दु ।