छु झी धर्मया हे लँय् खःला ज्यानबहादुर नेवाःनं च्वयादीगु छपु विचारप्रधान निबन्ध खः । ने.सं ११०२ न्हूदँया लसताय् साहित्यया मूलुखा पाखें थ्व निबन्ध सफू पिदंगु खः । थ्व निबन्ध सफू अलग अलग निबन्धया संग्रह मखु, च्वंनिसें क्वथ्यंक तःगू हे प्रवाहय् न्ह्यानाच्वंगु छपु हे रचना खः । थुकी विश्वय् खनेदुगु थीथी दर्शनया खँयात च्वमि ज्यानबहादुर नेवाः नं थःगु धारणा कथं न्ह्थनातःगु दु । थ्व सफुलिइ माणिकलाल श्रेष्ठ, तुलसीलाल अमात्य, रत्नध्वज जोशी, छत्रबहादुर कायस्थ थेंज्याःपिं विद्वानपिंसं थ्व सफूया बारे थःथःपिनिगु बिचाः प्वंकातःगु दु ।