जलं किउगु गजल सौरभ शाक्यं च्वयादीगु ४३पु गजलया संग्रह खः । कुतः पिकाकः ख्वपया लुखां ने.सं. ११२९ य् पिदंगु थुगु गजल संग्रह दुने – शान्ति तनाच्वंगु, बम बारुदं थाय् कयाच्वंगु, जिन्दगीया स्याःचाः, मतिना, अय्लाः, बुद्ध आह्वान अले न्ह्याम्हेसितं पासा दयेके मते धयागु सन्देश प्रवाहित जूगु गजल दुथ्यानाच्वंगु दु ।
Category: भाषा, लिपि व साहित्य
-
जल्ल थीगु लँपु
मय्जु उपन्यासकार शशिकला मानन्धरजुया च्वसां पिदंगु उपन्यास थ्व जल्ल थीगु लँपु खः । थ्व उपन्यास ने.सं. ११२४ य् धुस्वां साय्मि अभिनन्दन समारोह समिति पाखें पिदंगु खः । उपन्यासकार बेलायतय् दछितक च्वंबलय् अन खंगु व भोगे यानागु अनेतनेगु लुमन्तियात घानाः च्वयातःगु थ्व यैपुगु उपन्यास खः ।