थ्व मतिना मखु उपन्यासया उपन्यासकार भाजु यचु जोशी खः । कुतः पिकाकः पाखें ने.सं.११२७ य् थ्व उपन्यास पिदंगु खः । जीवनया निंतिं मतिना माः, नाटक मखु । छ व जिया दथुइ गुगु जुल व नाटक जक जुल । व हे नाटकय् भुले जुयाः थःगु जीवन स्यंकेमखु । थ्व हे थ्व उपन्यासया सार खः ।
Category: भाषा, लिपि व साहित्य
-
थ्वयाच्वंगु सः
बुद्धिलाल ज्यापुया च्वसां पिज्वःगु थ्वयाच्वंगु सःया नामं पिदंगु मुक्तक सफू ने.सं. ११११ या दँय् नेपालभाषा गुथि, किपुपाखें पिथंगु खः । थुगु सफुलिइ नेपाल लिपिं ल्हातं च्वयातःगु चित्र सहितया म्हिचासफू सिबें चिधंगु आकारं पिदनाच्वंगु चिचिनाखँ दुथ्याकातःगु दु । थ्व संग्रहय् सामाजिक संस्कार, विकृति, विसंगतिया खँ दुथ्यानाच्वंगु दु । नुगलय् लानाच्वंगु घाःया बाखं दु । पीडाया सः थ्वयाच्वंगु दु । देशय् अन्याः अत्याः यानाच्वंपिनि यथार्थखँत न्ह्यब्वयातःगु दु ।