थ्व दथु मिखा दुर्लभलाल सिंह च्वयादीगु न्यय्च्यापु चिबाखं मुना सफू खः । थ्व बाखं संग्रह श्रेष्ठ प्रकाशन यलं ने.सं. ११०४ य् पिथंगु खः । थुकी कृष्णचन्द्र सिंह प्रधानं भूमिका च्वयादीगु दु । सफूया द्यवः किपा उज्ज्वल कुन्दन ज्यापुं कियादीगु खः । समाज व परिवेशय् खनेदुगु अनेक खँयात उद्घाटित यायेगु ल्याखं स्याचुक छत्वाःचा घटना न्ह्यब्वयेगु ज्या हे चिबाखंया विशेषता खः । थ्व ल्याखं स्याचुगु दृश्य वा घटना थुकी न्ह्यब्वयातःगु दु । शहीद आत्मा, मभिंगु अय्लाखय् भिंगु अय्लाः, मनिप्लान्ट, न्ह्युख्वाः, नां मदु बाबा आदि चिबाखं थुकिइ दुथ्याः ।