धूफ्वः नांदंम्ह मिसा बाखंच्वमि मनदेवी तण्डुकारं च्वयादीगु न्हूबाखं संग्रह खः । थ्व सफू च्वसापासापाखें ने.सं ११४० य् पिदंगु खः । झिंन्हय्पु बाखंया थ्व संग्रहय् सामाजिक, आर्थिक, राजनैतिक उत्पीडन भोगे यायेमाःपिं निम्न बर्गया समस्यायात ब्वमिपिनिगु नुगलय् दी कथं ब्वयातःगु दु । धूफ्वः, स्याःमचायेकूगु दुघाः, जघन्य अपराध, विवशता, चिरीबाःगु नुगः आदि थुकी दुथ्याःगु बाखं खः । थ्व सफुलिं झीगु समाजय् धुफ्वः जुयाः न्यनाच्वंगु विकृति बेथितियात ब्वयाः क्यनेत ताःलाःगु । थ्व धूफ्वः सफूयात ११४० या रामशेखर लुमन्ती सिरपालं छायेप्यूगु दु ।