न्ह्याय्दुगु सर्गः उपन्यासकार राज साय्मिया नेपालभाषां पिदंगु खुगूगु उपन्यास खः । कुतः पिकाकःपाखें ने .सं ११३६ य् पिदंगु थ्व उपन्यास राज साय्मिया न्हापा लिपाया उपन्यास थें जासुसी उपन्यास मजुसे सामाजिक उपन्यास खः । झिंप्यद्याय् ब्वथलातःगु थ्व न्हयाय्दुगु सर्गः उपन्यास जासुसी उपन्यास मखया नं जासुसी उपन्यास पहःवःगु अर्थात् हत्या हिंसाया घटना दुगु उपन्यास खः । थ्व उपन्यासं आर्थिक विसंगति, गरिबी आदिं भिंपिं मनूतय्त नं मखुगु मभिंगु लँय् यंकेफु धैगु सन्देश बीगु याःगु दु ।