फिसः नेपाभाषाया नांदंम्ह च्वमि भूषणप्रसाद श्रेष्ठया च्वसां पिदंगु दकलय् न्हापांगु न्हूबाखं/चिबाखं पुचः खः । ल्याय्म्ह पुचः पाखें ने.सं १०९३ स पिदंगु थ्व बाखं संग्रहय् फिसः नापंया बाखं यानाः झिंनिपु बाखं दुथ्यानाच्वंगु दु । कवितात्मक अभिव्यक्ति, ताःहाकःगु खँयात नं चीहाकलं मनय् थीकथं ब्वयेफुगु कथा शैली थ्व बाखं संग्रहया विशेषता जूगु दु । फिसःया लिसः ने.सं. १०८६ स पिदंगु भाजु धुस्वां साय्मिया उपन्यास फिसःया लिसः खः । थ्व उपन्यासया प्रकाशक भाजु भीमप्रसाद श्रेष्ठ खः । छगूयां ल्यू मेगु उपन्यास च्वयाच्वनादीम्ह भाजु साय्मिया थ्व उपन्यास छद्या जक खः । लिपा उपन्यासया मेगु द्या माखा शीर्षक जुयाः पिदन ।