मखंगु सत्य नेपालभाषा साहित्यय् जासुसी उपन्यास च्वयाः इतिहास दयेकादीम्ह उपन्यासकार राज साय्मिया थ्व निगूगु जासुसी उपन्यास खः । ईलोहँ प्रकाशनपाखें ने.सं ११३१ य् पिदंगु थ्व मखंगु सत्य उपन्यास पीप्यंगू थीथी शिर्षकय् ब्वथलातःगु दु । थ्व उपन्यास च्वमि राज साय्मिया न्हापांगु जासुसी उपन्यास योम्ह शत्रु पिदनाः ३८ दँ लिपा जक पिदंगु उपन्यास खः । खय्तला राज साय्मिं थ्व स्वयाः न्ह्यः नेपाली भाषां निगू जासुसी उपन्यास पिकाये धुंकूगु खः । थनं निसें राज साय्मिया जासुसी उपन्यास च्वयेगुली निरन्तरता काःगु दु । थ्व सफूयात न्हापांगु (ने.सं ११३२) मथुरा साय्मि सिरपाः प्राप्त जूगु दु ।