ने.सं. ११४१ यंलाथ्व येँयापुन्हि कुन्हु पिदंगु मय्जु अपर्णा प्रधानं च्वयादीगु म्हसीके मफुम्ह मनू उपन्यासया पिकाकः कुतः पिकाकः खः । थुकी जम्मा झिंखुद्या दु । थ्व नेपाःया समसामयिक समस्या कथं ब्वलनाच्वंगु बाल तस्करीया विषयवस्तुयात कयाः च्वयातःगु उपन्यास खः । बालं च्वंवःम्ह छम्ह मनुखं समाजसेवा, गतिविधि क्यनाः जःलाखःला, त्वाःबहायापिं नाप लाबलां हे भ्यलय् पुनी । मचातय्त म्हितका, चाःहिके यंकाः मचातय्त आकर्षित याइ । सकसिनं वयात भिंम्ह मनूया रुपय् विश्वास याइ । छन्हु व मचात ज्वनाः बिसिउँ वनी । थुकथं यचु ख्वापालं पुयाः हाकुधन्दा यानाच्वंम्ह मनूयात समाजं म्हसीके मफुत ।
Category: भाषा, लिपि व साहित्य
-
म्हिगःनिसें थौं किपूया छुं पक्ष
म्हिगःनिसें थौं किपूया छुं पक्ष सफूया च्वमि भाजु प्रयागमान प्रधान खः । कीर्ति रिसर्च सेन्टरपाखें ने.सं. ११४० य् पिदंगु थुगु सफू इतिहास विधाया सफू खः । थुकी च्यागू ब्व ब्वथलातःगु दु । थुकी किपूया प्राचीनता, मल्लकालनिसें किपूतकया जुजुपिनिगु अवस्था, गोरखानापया ल्वापु, किपूया लाय्कू दरबार, किपुली जूगु थीथी राजनैतिक, सामाजिक, सांस्कृतिक आन्दोलननापं किपूया जनजीवन व आर्थिक गतिविधि न्ह्यथनातःगु दु । किपूया इतिहास ब्वयाक्यनेगु थुगु सफूया तातुना खः ।