यौन ज्ञान–मनोविज्ञान ज्ञानवर्धक निबन्ध सफू तिलक प्रकाशं च्वयादीगु खः । ने.संं ११२० न्हूदँया लसताय् नेपाल संस्वृति लय्पौ पाखें पिहांवःगु खः । च्वमिं थ्व सफूपाखें यौनया विषय धकाः बेवास्ता याये मज्यू धैगु सन्देश बियादीगु दु । थ्व मानवीय सभ्यताया विकास यायेत प्रत्येक मनुखं अध्ययन मयासे मगाःगु छगू विषय खः । यौनज्ञान अनिवार्य ज्ञान खः । थ्व ज्ञानया मदया समाजय् यौन विकृति खनेदइच्वंगुलिं च्वमिं थ्व सफू च्वःगु खः । थुकी यौन जीवन, मनोविज्ञान व शिशु कल्याण, प्रेम, लज्जाशीलता, चुम्बन, वेश्यावृत्ति, विकृत मैथुन, अबोध यौनय् प्रबोध विचित्रता, विवाह व धर्म व काम छगू मेगुया पूरक शीर्षक च्वखँ दुथ्याःगु दु ।