राष्ट्रपाल श्रामणेर सुदर्शनं च्वयादीगु बौद्धकालिन धार्मिक नाटक खः । थ्व नाटकय् स्वधाः दु । थुगु नाटक ने.सं. १०७८ य् धर्मोदय सभा, जुद्धसतक कान्तिपुर नेपालपाखें पिदंगु खः । थ्व छगू चरित्र प्रधान नाटक खः । थ्व नाटकया मू विषयवस्तु प्रसिद्ध महास्थवीरपिं मध्ये नांजाःम्ह राष्ट्रपालं थःगु राजशी वैभव त्याग यानाः भिक्षुत्व ग्रहण याःगु सम्बन्धी खः ।
Category: भाषा, लिपि व साहित्य
-
राष्ट्रिय विभूति शंखधर साख्वाः चिनाखँ
ओमकृष्ण श्रेष्ठया च्वसां पिदंगु राष्ट्रिय विभूति शंखधर साख्वाः चिनाखँ सफू ने.सं. ११३२ बछलागाय् मय्जु मोहनलक्ष्मी श्रेष्ठपाखें पिथनादीगु खः । थुकी विविधि विषयया १५ पु खण्डकाव्य न्ह्यब्वयातःगु दु । चिनाखँ दुने नेपाःयात लुमंकाः शंखधर साख्वाः व वया वंशावलीयात न्ह्यब्वयातःगु दु । लिसें न्हूदँ व नेपाल संवत् छ्यलाबुला व उकिया इतिहास, अले म्हपुजा, म्हपुजा विधि व क्षेत्र आदि विषययात कयाः थःगु अभिव्यक्ति न्ह्यथनातःगु दु ।