रुसया नांजाःम्ह च्वमि निकोलाइ लेस्कोभजुं थ्व उपन्यास च्वयादीगु खः । थ्व उपन्यासयात नेपालभाषाय् भाजु केशबमान शाक्यं भाय् हिलाःदीगु खः । कुतः पिकाकःया लुखां ने.सं.११३७ य् थ्व उपन्यास पिदंगु खः । छगू अपराध त्वपुइत मेमेगु अपराध यायां वनेमालीगु स्वाभाविकता व मनूया कमजोरीयात मू सन्दर्भ दयेकाः थ्व उपन्यास न्ह्यानाच्वंगु दु ।
Category: भाषा, लिपि व साहित्य
-
ल्यासे अजि
ने.सं. ११३६ य् थौंकन्हे लय्पतिइ कथहं प्रकाशित जूगु मय्जु अपर्णा प्रधानया ल्यासे अजि उपन्यासय् जम्मा नीखुद्या दु । थ्व उपन्यासया मू मिसा पात्र बसुधा खः । छम्ह मिसाया थःगु मौलिक नांया थासय् कुनां अर्थात् मेगु नां गथे घायेमाल धकाः झीगु सामाजिक परम्परायात व्यंग्य नकातःगु बाखं खः— ल्यासे अजि । बसुधाया रजश्वला जुइ न्ह्यः झिंनिदँया उमेरय् इहिपा जुइ । मां जुइगु उमेरय् वया छय् दइ । ताकतुक खँ ल्हाये सःम्ह छय् नं वयात ल्यासे अजि धाइ । अले वयागु मौलिक नांया थासय् ल्यासे अजि च्वनी । मचा, युवा, वृद्धावस्थायापिंसं वयात ल्यासे अजि धाइगु जुल । न्हापा न्ह्याबलें नां कयाः सःतीम्ह भाःतं तक नं वयात ल्यासे अजि हे धकाः सःतीगु जुल ।