वर्तमानं झ्वयेप्यूगु कचिघाः यलया साहित्यया मूलुखां न्हूदँ ११०१या लसताय् पिथंगु भाजु पुष्पराज राजकर्णिकारया न्हापांगु चिनाखँ मुना खः । ज्वलान्हाय्कं, शान्तिविजय आदि पत्रिकाय् कथहं आपालं चिनाखँत पिकया च्वनादीम्ह वय्क:यात साहित्यया मूलुखा पत्रिकाया सम्पादक भाजु रोहिणी बहादुर कायस्थया हःपाःकथं थ्व सफू पिदंगु खः ।
सर्वा, आखे मखु जाकिया जा छप्ये तयाब्यु धकाः आह्वान याइम्ह, मिजलाया आश छाय् मयायेगु धाइम्ह आशावादी कवि खः– पुष्पराज राजकर्णिकार । प्रतीक व बिम्वया छ्यलां जाःगु शोषित पीडित वर्गया पक्षय् इन्कलावी सः पिज्वःगु मुक्कं झिंच्यापु चिनाखँया मुना खः थ्व सफू।