सौरभ शाक्यया हाइकु सफू शून्य सर्गः ने.स ११४२ या दँय् कुतः पिकाकः ख्वपपाखें पिदंगु खः । थ्व सफू दुने २७१ पु हाइकु दुथ्याकातःगु दु । थुकी दुने मतिनाया ल्याःचाः जक मखु जिन्दगीया स्याःचाः नं न्ह्यब्वयातःगु दु । विद्रोहया थीथी सः थ्वयाच्वंगु दु । एकताया सौन्दर्य ब्वयातःगु दु । सुपाँय् दुने निभाः जः कैद जुयाच्वनेमाःगु अवस्था लकश ख्वाउँसे जंग अवस्था, अले– शून्य दुने बुद्धं जः लुइकूगु खँ न्ह्यथनातःगु दु ।