षड्दर्शन छधाः प्याखं जुजु रणजित मल्लं च्वयादीगु खः । ने.सं. ११०८ पंचमि कुन्हु शान्तहर्ष वज्राचार्यं सम्पादन यानादीगु थुगु सफू साहित्य क्यबपाखें पिदंगु खः । प्याखंया नां षडदर्शन जूसां थ्व प्याखनय् दर्शनयागु खँ उल्लेख जुयाच्वंगु खनेमदु । महाद्यः, पार्वती, गंगा, किराती जुजु व भारदारपिं धार्मिक भावनां प्रेरित जुयाः हरिद्वार वनीगु खँ प्याखनय् दुथ्याकातःगु दु । प्याखनय् गुंगू लु दु ।