ख्ववि व लाय्लामा मय्जु अर्चना शाक्यं च्वयादीगु छगू सामाजिक एवं बौद्धशिक्षा नाप सम्बन्धित उपन्यास खः । रमा कौशल्या प्रकाशन येँ पाखें ने.सं ११४१ य् पिदंगु १२३ पौया थ्व उपन्यासय् २३ अध्याय दु । वरिष्ठ आख्यानकार मथुराकृष्ण साय्मिया आह्वानय् च्वःगु थ्व उन्यासय स्वनिगलं पिने पाल्पा तानसेनं पिदंगु नेपालभाषाया न्हापांगु मिसा उपन्यासकारया उपन्यास खः । बौद्ध शिक्षां ततःधंगु शोकं विक्षिप्त जूपिंत नं समाज व देशया निंतिं भिं जुइगु सिर्जनात्मक लँपुइ न्ह्याकेफु धैगु बौद्धशिक्षाया महत्ता न्ह्यब्वयातःगु उपन्यास खः ।