गणेशराम लाछिया च्वसां पिज्वःगु चिनाखँ सफू छन्त लुमनेवं ने.सं. ११३२ चिल्लाय् नेपाल मण्डल फाउण्डेशन (सियाटल वाशिङ्गटन अमेरिका) पाखें पिदंगु खः । थुगु सफुलिइ विविध विषयया ३१ पु चिनाखँ दुथ्याकातःगु दु । चिनाखँ दुने मनूया दुःख मखंपिं मनूया ख्वःसः मताःपि फै बथांतय्त गज्याःगु चुपिं छ्याछ्या यायेमाःगु यथार्थ न्ह्यथनातःगु दु । शदीयौं निसें खिउँग्वारां त्ययेका च्वनापिं झी, झी दुनेया दुःख पीडाया लार्भात ज्वालामुखि जुयाः पिहां वयेमाःगु अवस्था न्ह्यब्वयातःगु दु । लिसें थ्व संग्रहय् मेमेगु थीथी विषयवस्तुया चिनाखँ नं न्ह्यथनातःगु दु ।