विमल ताम्राकारया न्यागूगु हाइकु सफू तिकास्वां ने. सं. १११८ गुंलाथ्व पुन्हिया लसताय् कुतः पिकाकः पाखें पिथंगु खः । थुगु सफुलिइ सच्छि व नीपु हाइकु दुथ्यानाच्वंगु दु । थुकी वंगलहःया हाइकु नीच्यापु नं दुथ्याःगु जुल । थ्व सहित सछि व नीपु हाइकु जुयाच्वंगु खः । थुकी लँ दापा जूम्हेसिया बाखं दु । ब्यांचिया सः थ्वयाच्वंगु दु । चखुंचा न्हाय्कनय् स्वयाः थःत मालाच्वंगु दु । अले प्रकृतिया बिम्ब ब्वयाः मनूतय्गु स्थिति न्ह्यब्वयातःगु दु ।