मोक्षबहादुर अमात्यया तिकि तिकि हाइकु संग्रह ने.सं. ११४० य् ईलोहं प्रकाशन प्रा. लि. पाखें पिदंगु खः । थुकी निब्व हाइकु दुथ्याकातःगु दु । न्हापांगु ब्वय् ३+५+३ या बानाय् चिनातःगु हाइकु न्हय्नि पु दुसा मेगु ब्वय् परम्परागत शैलीया खुइपु हाइकु दुथ्याकातःगु दु । थुकी मनूतय्सं भोगे याये मालाच्वंगु विकृति विसंगतिया चित्रण यानाः समाजयात थनेत कुतः यानातःगु दु । अले सांस्कृतिक लिसे स्वानाच्वंगु मतिना, जीवनवोधया खँत दुथ्याकातःगु दु ।