धर्मरत्न यमि स्मृतिग्रन्थ भाजु सिद्धिचरण श्रेष्ठया अध्यक्षताय् गठन जूगु स्व. धर्मरत्न यमि ७५ औं जन्मजयन्ति समारोह समितिपाखें वि.सं. २०४६य् पिदंगु खः । नेपाःया साहित्यिक ख्यलय् छम्ह कवि, उपन्यासकार, च्वखँ च्वमि व राजनैतिक ख्यलय् छम्ह प्रगतिशील विचाःयाम्ह राजनैतिज्ञ कथं परिचितम्ह धर्मरत्न यमिया थ्व स्मृति ग्रन्थय् वय्क:या जीवनी, व्यक्तित्व व कृतित्व बारे थीथी विद्वानपिसं च्वयातःगु नेपालभाषा, नेपाली, हिन्दी, संस्कृत व अंग्रेजी यानाः न्याता भाषाया गुइस्वपु च्वसु दुथ्यानाच्वंगु दु ।