नेपालभाषा साहित्यय् मय्जु च्वमिपिनिगु सिर्जनशील योगदान बारे बासःदँ मय्जु प्रेमहिरा तुलाधरं च्वयादीगु न्याम्ह साहित्यकार मय्जुपिनिगु म्हसीकाया सफू खः । थ्व सफू नेपालभाषा मिसा खलकं थःगु झिंच्यादँ बुंदिंया लसताय् ने.सं ११२७ य् पिकाःगु खः । थ्व सफुलिइ दुथ्याःपिं न्याम्ह सिर्जनशील मय्जुपिं खः – शीलशोभा ताम्रकार (भोजपुर), नारायणदेवी श्रेष्ठ (येँ), प्रकाशकुमारी प्रधान (पाल्पा), मोतिलक्ष्मी उपासिका (येँ), युरिमाया तुलाधर (येँ) । थ्वय्क:पिं न्याम्हेसिगु जीवनी थ्व सफुलिइ दुथ्याःगु दु ।