पसूका छधाः प्याखं संग्रह ईश्वरानन्दजुं च्वयादीगु खः । थ्व सफू न्हापां ने.सं. १०७७ य् श्रेष्ठ प्रकाशनपाखें पिदंगु खः । निक्वःगुखुसी ने.सं.१०८४ य् सुधादेवी ५०६ वँतु मिखाद्वँपाखें पिदंगु खः । थ्व विश्वसाहित्यय् खनेदुगु नर्वेया इव्सनया नाटकया प्रभाव लाःगु छगू समस्यामूलक छधाः प्याखं संग्रह खः । प्याखनय् अप्वः यानाः मिसा समस्या, सामाजिक समस्या व पारिवारिक समस्या न्ह्यब्वयातःगु दु । मिसातय्गु पराधिनताया मू कारण हे आर्थिक खः धयागु सन्देश नं थ्व सफुलिइ प्रवाहित यानातःगु दु ।