नेवाः गौरव सफूया च्वमि भाजु पूर्णराम मुनंकर्मी खः । थ्व सफू ने.सं. ११४२ य् नेपालभाषा एकेडेमि पाखें पिदंगु खः । झीगु मांभाय् गुलि पुलां, नेपाःया भौगोलिक सीमादुने आखः च्वयेगु प्रचलन गुब्लेनिसें जुल धयागु खँयात कुतुकुलातःगु दु । अथेहे थ्व सफुलिइ दार्शनिक दृष्टिकोणं नेवाःतय् आस्था, धर्म, आत्मा अले द्यः सम्बन्धि नं बिचाः न्ह्यब्वयातःगु दु । थुकी तर्क व विवेचना जक मखु ऐतिहासिक ज्वलंया दसि नं दुथ्याकातःगु दु ।