मतिनाया सवाः भाजु ज्ञानीराजा मानन्धरं च्वयादीगु चिबाखंया संग्रह खः । सः छगू फरक अभिव्यक्ति अभियान पाखें ने.सं ११३९ य् पिदंगु थ्व मतिनाया सवाः संग्रहय् पीन्यापु चिबाखं दुथ्यानाच्वंगु दु । थ्व संग्रहय् दुथ्याःगु बाखं गुलिं एफ.एम.पाखें पिदने धुंकूगु खःसा गुलिं सः छगू फरक अभिव्यक्ति कार्यक्रमय् ब्वनेधुंकूगु खः । अथेहे गुलिं लहना, पेज थ्री, ज्वजलपा आदि पत्रिकाय् पिदंगु चिबाखं खः । पाठकया नुगुलय् थी कथं भाव तरंगीत यानाः बाखं क्वचायेके फुगु चिबाखंया गुण थ्व संग्रहय् च्वंगु बाखनय् नं दु ।