स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु रमेशकुमार राजभण्डारी नं छम्ह खः । वय्कःया जन्म बि.सं. २०१० जेष्ठ १८ गते जूगु खः । वय्कःया मांया नां होमकुमारी व बाःया नां लोकनरसिंह राजभण्डारी खः । वय्कःया थाय्बाय् बाग्लुङ नगरपालिका, वडा नं. ३, राधाकृष्ण टोल खः ।
नेपालभाषा मंकाः खलः बागलुङया न्हापायाम्ह छ्यान्जे जुयादीम्ह वय्कः राधाकृष्ण मन्दिर सेवा समितिया नायः नं खः । वय्कः थीथी सामाजिक व धार्मिक संघसंस्थाय् क्रियाशील जुयाः च्वंच्वनादीगु दु ।