Tag: ल्हाप्सा

ल्हाप्सा कविता सफूया च्वमि कवि पुष्परत्न तुलारधर खः । नेपालभाषा मिसा खलःया लुखां थ्व कविता सफू ने.सं. ११२७ य् पिदंगु खः । थ्व सफुलिइ कविया पीन्हय्‌पु न्हूचिनाखँ दुथ्यानाच्वंगु दु । थ्व सफुलिइ च्वंगु कविताय् कविया थःगु हे मौलिक शैली दु । फयांफत्तले नेवाः पहःया खँग्वः छ्यलातःगु दु । जीवनया अनेक थथ्याः क्वथ्याःयात यइपुक कविताय् कियातःगु दु । समसामयिक सः थ्वयाच्वंगु दु ।

ल्हाप्सा भाजु पूर्ण ताम्राकारं च्वयादीगु समालोचना च्वसु मुना सफू खः । रत्नदेवी प्रजापति साहित्य ट्रस्टया प्रकाशनय् ने.सं. ११३४ य् थ्व सफू पिदंगु खः । थ्व सफुलिइ सिद्धहस्त साहित्यिक स्रस्तापिं स्वम्हेसिया साहित्यिक व्यक्तित्व व कृतित्वया विवेचनाया नापं कविता, निबन्ध, गद्यया विकास व समालोचना बारेया न्हय्‌पु विवेचना दुथ्याःगु व्यावहारिक व सैद्धान्तिक च्वसु दुथ्यानाच्वंगु दु ।