नासःद्यःया थाय्या मोहनि सिन्हः । धिमे पिदनीबलय् मू गुरुं तिकीगु मोहनि सिन्हः । मूगुरुं नासःद्यः पुजा यानाः मोहनि सिन्हः फइ । थुकुन्हु वःलाः सपना लाये धुंकूपि त्वाःया काय्मस्त दक्वं थ्याकाः भ्वय् याइ । नासः मोहनि तीधुंकल धायेव न्हूसिमि मस्तय्त धिमे थाकी । धुँन्या दुगु त्वालय् माः तनाः धुँन्या नं हीकेबी । नासः मोहनि तीधुंकाः लित मतःतले मेपिनिगु चिप नयेगु, स्वाहाने हाचां गायेकेगु आदि याये मज्यूगु नियम दु ।
