तीनकुने/ताइँनाइ
नेवाः भजन पद्धती छ्यलीगु थीथी सहयोगी बाजं मध्यय् तिनकुने नं छगू प्रकारया सहायक बाजं खः । थ्व बाजं ३/४ इञ्च वा १ (इञ्च) पुगु डन्डीयात स्वकुंलाक्क (त्रिकोणत्मक आकारय्) चाःतुइकाः च्वय्या (शीर्ष) भतिचा गोलो यानाः उकी खिपतं चिनाः छपा ल्हातं यख्खानाः मेगु ल्हातं ७/८ इञ्च हाकःगु नँयागु हे दन्दिं त्रिकोणया क्वय्या भागय् दथुइ थाइगु खः । थुकिं पिज्वइगु सः (शब्द) ताइँताइँ/ नाइँनाइँ जूगुलिं थ्व बाजंयात ताइँनाइँ व स्वकुंलाःगु जूगुलिं तिनकुने बाय् स्वकुंलाः नं धाइ ।
