नेवाः भजन पद्धतिइ छ्यलाबुला जुयाच्वंगु तःताजिया सहायक बाजात मध्यय् करताल नं छगू खः । करतालयात ‘कठताल’ नं धायेगु याः । थ्व बाजं सिँया ५/६ इञ्चया निगू कुचा परम्पर ट्याक्क ट्याक्क ल्वाकाः थाइगु छगू साधारण बाजं खः । गुलिं गुलिं करताल बाजाय् दथुइ ह्वःखनाः तार, नकिं तानाः दुछ्वयाः, लीपाता अन्य धातु पाताया सालुगु निगू निगू चक्की तयाः दयेकातःगु नं खंकेफु । थज्याःगु करताल थायेबलय् पातातकं छ्यालिं छ्यालिं सः पिज्वइ । थ्व बाहेक थौंकन्हय् मस्तय्गु न्ह्यवःसा थें यानाः नं प्लास्टिकया यक्व प्रकारयागु थज्याःगु बाजं बजारय् दु ।
