नासःद्यःयात याइगु विशेष पुजायात नासःपुजा धाइ । बाजं खलःतसें गुथि स्वनाः म्ह्वतिं नं दच्छिया छक्वः नासःपुजा याइ । थ्व बाहेक प्याखं संगीतया छुं ज्याझ्वः बाय् स्यनेज्या न्ह्याकेन्ह्यः आइतबार बाय् बसुबारया दिनय् नासःपुजा यायेमाः । नासःद्यःयात अय्लाः, थ्वँ, खाखेँय्, ला, बजि, घासा आदि तयाः भ्वय्ब्व छाये ज्यू । नासःपुजाय् परम्पराकथं मेय्, दुगु, ग्वंगः, हँय् आदिया हि म्हुकाः बलि बीगु नं चलन दु । गुलिखे नासःदेगःया अंगलय् अथे नासःपुजापतिकं बलि ब्यूम्ह मेय्या निपुं न्यकू तानातइ ।
