माकःयात बुइगु थें यानाः दनीगु माः । निम्ह भचा तःधीपिं मस्तसें म्हं छम्ह छम्ह मचा ब्वहलय् तयाः तुति निपा निखे यखायेकाः माकः यानाः बुइ । निम्हं जँ जँ ल्वाकाः दनी । इमि जःखः मेपिं निम्ह भर बी थें दनाः छधी जुइकी । च्वमेलु थहां वनाः माकः यानातःपिं निम्ह मस्तय्गु ब्वहलय् निपा तुतिं चुयाः थुगु माः तनाः धुँन्या हीकेगु याइ । च्वमेलु क्वहां वल धायेव माकः यानातयापिं मस्त नं क्वहां वयाः छसिनिसें सकसिनं न्ह्यातले धुँन्या हीकेगु याइ ।
