वःलाः छ्वयेगु पूवने । काय्मस्त बःचा धिकः जुल धायेव वःलाः छ्वइ । थःपिनि इष्टदेवकथं मानय् यानातयाम्ह द्यःपिनिगु तिथि लाकाः उम्ह हे द्यःया थासय् वःलाः छ्वयेगु याइ । सुथ न्हापां छ्वइ । न्हिनय् थःथितिपिन्सं स्वाँनं छुकःवइ । चच्छि अन हे चाहीकाः कन्हय्कुन्हु त्वालं पुजा हयाः द्यः पुज्यानाः समय् नकाः हइ । थथे स्वलितक वःलाः छ्वइ । लिपांगु पतकय् पुरेतयात होम जग्गे यायेगुया लिसें मार छ्वयेकाः पुजा याकी । पुजा सिधयेकाः बारां छुनाः वःलाः सपना लाकी ।
