धुँन्या हीकीबलय् दकलय् च्वय् च्वनाः हीकी । यक्व तःधिकःम्ह याइ मखु । धुँन्या छपु हे ल्ह्वने मफुम्ह नं याइ मखु । धुँन्या ल्ह्वनाः हीकेफुम्ह बःचा धिकःम्हेसित याइ । तुयूगु जामां सिंकी । माः तनीबलय् माः तनीपिं खलःपिनिगु ब्वहलय् दनाः धुँन्या हीकेगु याइ । ब्वहलय् थहां वनेन्ह्यः गुरुयाके आज्ञा कयाः ब्वहलय् तइपिन्त भागि यानाः थहांवनी । थहां वनेत खलःपिन्सं ग्वाहालि याइ । धुँन्या स्यनाः मेम्ह च्वमेलु जूमवःतले नासःपुजां वयात न्यागूगु सी बियातइ ।
