याकःचां जक च्वमेलु ब्वहलय् थनाः दनीगु माः । छम्ह बल्लाःम्ह मचां च्वमेलुयात निखे ब्वहलय् चुइकाः थनी । च्वमेलुं ब्वहलय् दनाः धुँन्या हीकी । थ्व माः तनीबलय् छथाय् जक च्वनी मखु । द्यःयाथाय् जूसा द्यः चाःहिली । मेथाय् जूसा थःपिनिगु लँपुकथं चाःहिलेगु याइ । चाःहिलीबलय् च्वमेलुं ब्वहलय् दनाः धुँन्या धंकाः ज्वनातइ । चाःहिकी धाःसा मखु । चाःहिले गात धायेव हानं छकः धुँन्या हीकाः क्वहांवइ । च्वमेलु क्वहां वल धायेव ब्वहलय् तःम्हेसिनं नं धुँन्या हीकेगु याइ ।