लँय् वनीबलय्, पाः गइबलय् तःक्वः लिसा कयाः थाये जीगु धिमय् बोलयात न्ह्याः धाइ ।

धिमय् थायेत दकलय् न्हापा, द्यःया न्ह्यःने बाय् धिमय् थाये क्वचायेकेत थाइगु विशेष बोलयात द्यः ल्हायेगु बोल धाइ । तःहाकःगु, चीहाकःगु व सिधयेकेगु यानाः स्वताजि द्यः ल्हायेगु बोल दइ ।

पाखा थहां वनीबलय् थाइगु धिमय् बोलयात तँ पो धाइ ।

लँय् वनीबलय् गुबलें गुबलें थाइगु जोश वइगु धिमय् बोल छिना खः । थ्व बोल निक्वःतक जक थायेज्यू ।