छ्यंगुलिं भुनातःगु बाजं दक्वं थ्व ब्वया बाजं खः । नेवाः पहलं धायेबलय् छ्यंगुलिं भुनातःगु अवनद्ध बाजंयात नं नब्व थलेज्यू — खौ दुगु बाजं व खौ मदुगु बाजं ।
सङ्गीतशास्त्रय् बाजं दयेकातःगु ल्याखं ब्वथलीगु खः । नेवाः परम्पराकथं मखुसां थ्व ल्याखं नेवाः बाजं थुकथं ब्वथले फु ।
खिं, द्यःखिं, क्वंचाखिं पछिमा, मगःखिं, धोलक, धिमय्, धाः, नाय्खिं, नगरा, दंगः, झ्यालि, ध्वंध्वंचा, दह, क्वताः, खञ्जनि आदि ।
गं, धर्मगण्डी, ताः, भुस्याः, छुस्याः, बभू, कँय्पु, सिँन्याल, करताल, चिम्ताझ्यालि, घंगला, स्वकुंलाः (तिनकुने) आदि ।
शंख, न्यकू, ह्वं (ध्वाति), बाँसुरि, फिलफिलचा, बय्, प्वंगा/पँय्ताः, काहाः, मुहालि आदि ।
ल्हातं बाय् कथिं बाजनय् दायाः न्यायेकेगु व बाजं हे थवंथवय् ल्वाकाः/छ्यानाः सः पिज्वयेकेगु यानाः निथी नेवाः बाजं दु ।
सङ्गीतया सूर पिज्वइगु दक्वं बाजं सूरबाजं खः । गथेकि न्यकू, शंख, प्वंगा/पँय्ताः, काहाः, मुहालि, बाँसुरी, फिलफिलचा, बय्, पिवांचा आदि । सः पिज्वयेकेगु ल्याखं नेवाः बाजंयात थुकथं ब्वथलेफु ।
सङ्गीतया ताल क्यनीगु दक्वं बाजं तालबाजं खः । गथेकि मृदङ्ग, खिं, क्वंचाखिं, मगःखिं, नाय्खिं, पछिमा, धाः, धिमय्, धोलक, दबदब, दह, क्वताः, दमोखिं, ध्वंध्वंचा, नगरा, खञ्जनि, स्वकुंलाः, ताः, बभू, झ्यालि, भुस्याः, छुस्याः, कँय्पु, सिँन्याल आदि ।
सिँ प्वाः खनेत छ्यलीगु एक इञ्च स्वयां तब्यागु हंयात फाहं धाइ । फि, ब्या अप्वः दुगु सिँ प्वाः खनेत अःपु जुइगु हं ।