नांजाःम्ह गायक पन्नाकाजी शाक्य वि.सं. १९८८ स ओमबहालय् बूगु खः । वय्कःया मां बालकुमारी शाक्य व बाः चतुरमान शाक्य खः । नेपाः व खस नेपाली भाषाय् वय्कःया यक्व लोकंह्वाःगु म्ये दु । ‘ताः दत मखनागु ल्वःमन ला रतन’, ‘वा माया वा वा जिमिथाय् लाछिइ वा’ थें ज्याःगु वय्कःया म्ये तसकं लोकंह्वाः । खस नेपाली भाषाय् वय्कःया म्ये ‘तिरिरि मुरली बज्यो बनैमा’ तसकं लोकंह्वाःगु म्ये खः । वय्कः थःगु इलय् नांजाःम्ह कलाकार नं खः । वय्कःया निम्ह काय्पिं प्रवेशमान शाक्य व पवित्रमान शाक्य नं लोकंह्वाःपिं म्येहालामिपिं खः । गायक पन्नाकाजिं संगीत ख्यलय् यानादीगु योगदानया निंतिं थीथी सिरपाः, मानपदविं विभूषित जुयादीगु दु ।