ने.सं. १०८३ कौलाथ्वः पारुखुन्हु जन्म जूम्ह भाजु माणिक साही छम्ह लोकंह्वाःम्ह म्येहालामि खः । वय्कःया बाःया नां राम साही व मांया नां कृष्णदेवी साही खः । वय्कलं ने.सं.११०२ निसें संगीत ख्यलय् पलाः तयादिल । वय्कलं म्ये च्वयादी, संगीत तयादी, म्ये हालादी लिसें अभिनय नं यानादी । वय्कःया निचाः म्येचाः ‘थौंकन्हेया ल्यासेत’ व ‘छंगु थ्व चाला खनाः’ पिदंगु दु ।
वय्कलं म्ये व संकिपाय् अभिनय नं यानादीगु दु । वय्कलं ‘पटाचारा’, ‘कृषा गौतमी’, ‘कर्म’ संकिपाय् अभिनय यानादीगु दु । वय्कलं थीथी जिल्लाय् वनाः थःगु प्रतिभा व्बयेगु ज्या नं यानादी । वय्कलं यलय् जूगु नेपालभाषा संगीत धेंधेंबल्लाः कासा व ज्ञानमाला भजनय् न्हाप जुयादीगु दु । अले यक्व थासं सम्मानित नं जुयादीगु दु ।