म्येहालामि लोचन भट्टराईया जन्म वि.सं. २०१८ सालय् धरानय् अबु योगनाथ भट्टराई व मां विष्णुदेवी भट्टराईया कोखं जूगु खः । वय्कलं २०३५ सालनिसें म्ये हालेगु सुरु यानादिल, नेपालभाषाया म्ये ख्यलय् वय्कःया तःधंगु योगदान दु । वय्कलं ७१ पु नेवाः म्ये हालादीगु दुसा नेवाः संकिपा राजमतिइ नं सः बियादीगु दु । अथेहे खस नेपाली म्ये ख्यलय् नं वय्कः तसकं नांजाः । आपाः हे खस नेपाली संकिपाय् नं म्ये हालादीगु दु ।
वय्कलं शास्त्रिय् संगीत अध्ययन यानाः M.Music तक डिग्री हासिल यानादीगु दु अले सांस्कृतिक संस्थानय् छम्ह म्येहालामिया कथं सेवा यानादीगु दु ।