चित्रकार रत्नकाजी शाक्यया जन्म वि.सं. २०१८ मंसिर महिनाय् येँया असनय् अबु आनन्दरत्न शाक्य व मां मिश्री शाक्यया कोखं जूगु खः । बी.एफ.ए. यानादीम्ह वय्कलं मूर्ति दयेकेगु, दृश्यचित्र व व्यंग्यचित्र नं च्वयादीगु दु । वय्कलं नेपालय् प्यक्वः याकः कला ब्वज्या व देश विदेशय् तःक्वः हे मंकाः कला ब्वज्या यानादीगु दु । वय्कलं वि. सं. २०४० निसें २०५९ तक दृश्यचित्र, व्यंग्यचित्र, चित्रकला प्रतियोगिताय् न्हय्क्वः तक थीथी सिरपाः त्याकादीगु दु ।