यलया भाजु गोविन्द अमात्यया काय्भाजु नारायण गोविन्द सन् १९३९ स बूम्ह खः । विहार विश्वविद्यालयपाखें सन १९६१ स एमबिबिएस क्वचायेका वःम्ह थ्वय्कलं स्वास्थ्य उपचारया ख्यलय् आपालं सेवा यानादिल । लिपा वेल्स, वेलायतय् वनाः उच्चशिक्षा ब्वनावःम्ह थ्वय्कलं विशेषतः क्षयरोग निवारणया ख्यलय् छगू अभियान हे न्ह्याकादिल । देय्या आपालं जिल्लाय् अस्पतालया प्रमुख जुयाः थुगु ख्यलय् सेवा यानादिल ।