सुब्बा रिद्धिबहादुरया काय् फत्तेबहादुर येँय् गणबहालय् सन् १९२८ स जन्म जूम्ह खः । भारत लखनउया किङ्ग जर्ज चिकित्सा कलेजपाखें डाक्टर ब्वने क्वचायेकाः वःम्ह थुम्ह भाजुं लिपा वेलायत वनाः उच्च शिक्षा हासिल यानादिल । नेपालय् स्वास्थ्य सेवाया ख्यलय् योजनावद्ध पलाः न्ह्याकेगुली महत्वपूर्ण पलाः न्ह्याकादीम्ह भाजु खः । थ्वय्कःयात नांजाःम्ह समाजसेवी व चिकित्सककथं मनूतय्सं म्हस्यू ।