मरु, येँया भाजु शेषराज व मय्जु हीरादेवीया काय्भाजु विश्वराज ने.सं. १०५८ सिल्लाथ्वः अस्तमि, मंगलबारखुन्हु बूम्ह खः । भारतं सन् १९६० स एमबिबिएस क्वचायेका दीम्ह थ्वय्कलं सन् १९६५ स वेलायतं एफआरसीएस थुज्वःगु अति सम्मानित उपाधि कयादिल । नेपालय् मूत्रासयया ल्वय्या उपचारया ख्यलय् थ्वय्कः छम्ह न्ह्यलुवाः शल्यचिकित्सक खः । विशेषतः मिजंतय् प्रजनन समस्याया ख्यलय् थ्वय्कः विज्ञ खः । थ्वय्कःया कुतलं वीर अस्पतालय् दक्कलय् न्हापां मूत्रासय उपचारया बिस्कं विभाग नीस्वनेगु ज्या जूगु खः ।