येँ, थाय्मदुया भाजु योगेन्द्रप्रकास व मय्जु तुलसीमायाया काय्मचा श्यामसुन्दर सन् १९४२ स बूगु खः । भारतया पुनाय् रसायन शास्त्र विषयस स्नातकोत्तर क्वचायेका वयेधुंकाः जैविक रसायन विषयस वेलायतं उच्चशिक्षा कयादिल । तःदँतक त्रिविवि, शिक्षण अस्पतालय् चिकित्सा शास्त्र अन्तर्गत जैविक रसायनयात कयाः प्राध्यापन यायेगुया नापनापं थुगु ख्यलय् परीक्षण विधिया प्रयोगशाला नीस्वनेगुली मूवंगु ज्या यानादिल । लिपा तःदँतक काठमाडौं विश्वविद्यालयया प्राध्यापक जुयाः सेवा यानादीगु खः ।