येँ, असं, किसिध्वाखाय् सन् १९४८ स बूम्ह स्वयम्भुरत्न तुलाधरं त्रिभुवन विश्वविद्यालयपाखें सन् १९७४ स गणित बिषयस स्नातकोत्तर क्वचायेकूगु खः । लिपा कम्प्यूटर विज्ञानया ख्यलय् वेलायतं सन् १९८७ स उच्चशिक्षा ब्वनावल । श्री ५ या सरकारया नेपाल कम्प्यूटर सेन्टरय् प्राविधिक विशेषज्ञकथं निगू दशकसिबें अप्वः ईतक ज्याय् संलग्न जुयादीगु खः । विशेष यानाः नेपाःया तथ्याङ्कगत सूचनाया विश्लेषण व ब्यवस्थापनया ज्याय् थ्वय्कःया तःजिगु तिबः दुगु जुल । न्हूगु पुस्तायापिन्त कम्प्यूटर प्रविधिया ज्ञान बीगुली थःगु नीजि कुतलं कम्प्यूटर इन्ट्राफेस थुज्वःगु संस्थाया मूमनू जुयाः नं सेवा यानादिल ।